ဥပေက္ခာအချစ်

သစ္စာတရားက နာကျင်ခြင်းတစ်မျိုးဆိုရင်
ကျေးဇူးပြုပြီး လိမ်ညာခြင်းကိုရွေးပါ။
လိမ်ညာခြင်းက နာကျင်ခြင်းတစ်မျိုးဆိုရင်
ကျေးဇူးပြုပြီး တိတ်ဆိတ်ခြင်းကိုရွေးပါ။
တိတ်ဆိတ်ခြင်းက နာကျင်ခြင်းတစ်မျိုးဆိုရင်
ကျေးဇူးပြုပြီး ခွဲခွါခြင်းကိုရွေးပါ။
ချစ်ခြင်းက နာကျင်ခြင်းတစ်မျိုးဆိုရင်
ကောင်လေးရေ….
ကျေးဇူးပြုပြီး ငါ့အနားမကပ်ပါနဲ့။

လောင်ကျွမ်းခံဖို့…
ဆေးလိပ်က မီးခြစ်ကို ချစ်မိသလိုမျိုး
အဖျော်ခံဖို့….
သကြားက ရေကို ချစ်မိသလိုမျိုး
စွန့်ပစ်ခံဖို့….
နာကျင်ခြင်းက ပျော်ရွှင်ခြင်းကို ချစ်မိသလိုမျိုး
ငါ့အချစ်တွေ လောင်ကျွမ်း၊ အရည်ပျော်၊ စွန့်ပစ်ခံလို့….

နာကျင်ခြင်းတွေ နှလုံးအိမ်ထဲ ထာဝရခိုအောင်းမနေဖို့
ကောင်လေးရေ….
“ချစ်တယ်” ဆိုတဲ့စကားကို လွယ်လင့်တကူ မပြောပါနဲ့။

အချစ်တစ်မျိုးကို
“ဥပေက္ခာ” လို့ ငါတင်စားခဲ့ပါရစေ….


ရက်ရက်စက်စက် ထားခဲ့ပါ

မင်းကို အရမ်းချစ်တယ်လို့ မကြာခဏပြောပါ
မင်းမရှိရင်မဖြစ်ဘူးလို့ အားရအောင်ကြွေပြပါ
ရင်ထဲမှာမင်းပဲအပြည့်လို့ ထပ်ခါထပ်ခါချွဲပါ
မင်းကြောင့်အသက်ရှင်တယ်လို့
ငါ့ယုံကြည်မူကို မကြာခဏဖဲ့စားပါ
မင်းရဲ့အလိမ်ညာကျော့ကွင်းထဲ
ငါလွတ်အောင်မရုန်းနိုင်တော့မှ
ငါ့ကိုရက်ရက်စက်စက် ထားသွားခဲ့ပါ ချစ်သူ

ှ“မင်းကို မောင်အရမ်းချစ်တယ်”
ဒါနဲ့ပဲ ငါအကြိမ်ကြိမ်သေခဲ့ရတယ်